Журнал жөнүндө

«Евразиялык саламаттыкты сактоо журналы» - илимий медициналык рецензияланган журнал. Бул журнал 2009-жылы негизделген. «И.К. АХУНБАЕВ атындагы КММАнын жарчысы» деген аталыш менен 2023-жылга чейин басылып чыгарылган. 2024-жылы «Евразиялык саламаттыкты сактоо журналы» болуп өзгөртүлгөн.

Басылманын максаты: клиникалык жана теориялык медицина тармагындагы клиникалык тажрыйбаны жана илимий изилдөөлөрдү баалоо жана жалпылоо, жаңы технологияларды колдонуу, медициналык билим берүүдөгү бардык адистиктер боюнча бейтаптарды дарылоонун сапатын жана дарыгерлердин илимий-практикалык квалификациясын жогорулатуу болуп эсептелинет.

Журналдын максаттары:
Заманбап клиникалык изилдөөлөр жана медицинадагы жетишкендиктер жөнүндө маалымат берүү;
Адистердин тажрыйба жана билим алмашуусуна көмөктөшүү.
 
Басылмалардын тематикасы:
• Саламаттыкты сактоону уюштуруу маселелери
• Изилдөө жана илимий иштеп чыгуулар
• Медицина тарыхы
• Фундаменталдык медицина
• Ички оорулар медицинасы
• Хирургия маселелери  
• Анестезиология жана реанимация маселелери
• Акушердик иш жана гинекология маселелери
• Педиатрия маселелери  
• Травматология жана ортопедия маселелери
• Эксперттик ишмердеги маселелери 
• Стоматология маселелери
• Офтальмология маселелери
• Оториноларингология маселелери
• Гигиена жана эпидемиология маселелери
• Фармация маселелери
• Салттык медицина
• Медицинадагы тил аспектилери 
• Билим берyy процесси
 
Лицензиялоо.
Авторлор CC BY-NC 4.0 лицензиясынын шарттарына ылайык материалдарды беришет. Бул лицензия чексиз сандагы адамдарга материалды каалаган чөйрөдө же форматта көчүрүүгө жана таратууга мүмкүндүк берет, бирок милдеттүү түрдө авторлорду көрсөтүү жана коммерциялык эмес максатта гана колдонуусу шарт. Колдонуучулар башкаларга лицензияда уруксат берилген иш-аракеттерди жасоосуна тоскоол боло албайт.
 
Автордук укук.
Журналда берилген бардык материалдар автордук укук менен корголот. Авторлор макалага автордук укукту сактап калышат жана жарыяланган макаланын материалдарын башка басылмаларды, анын ичинде китептерди, окуу жана билим берүү басылмаларын даярдоодо пайдалана алышат, ошондой эле макаланын басылган же электрондук нускаларын, илимий, билим берүү жана башка максаттарда пайдалана алышат.
 
Жарыялоо акысы.
Макаланы жарыялоонун баасы (1 бет үчүн):
• И.К. Ахунбаев атындагы КММАнын аспиранттары жана кызматкерлери – үчүн бекер
• Үчүнчү тараптын авторлору – 400 сом/бет
Автордук укуктарды же патенттерди пайдалануу үчүн автордук сый акы төлөнбөйт.
 
Көчүрүп алуу жана плагиат. 
Журналда жарыяланган бардык макалалар материалдын уникалдуулугу жана көчүрүп алуу көлөмү боюнча “Антиплагиат” автоматташтырылган текшерүү системаларынан өтөт.
Эгерде көчүрүп алуунун көлөмү көп деп табылса, редакторлор COPE эрежелерине ылайык иш алып барышат.